Организатор

Ми претставува големо задоволство да Ве информирам дека Македонското здружение за заштита при работа (МЗЗПР) ќе биде домаќин на Втората Меѓународна Конференција, овојпат на тема “Национални стратегии за БЗР“.

Ко-организатори на конференцијата се Сојузот на синдикати на Македонија (ССМ), Конфедерацијата на слободни синдикати (КСС) и Организацијата на работодавачи на Македонија (ОРМ). Конференцијата се организира во соработка со Државниот инспекторат за труд, при Министерството за труд, и социјална политика.

Глобалната финансиска и економска криза имаше неповолни ефекти на вработеноста и работниот живот, и исто така на безбедноста и здравјето при работа во целиот свет. Глобалните предизвици наложуваат глобална соработка. Еден од најефективните и ефикасни начини е заедничко вложување во безбедна работна околина што ќе придонесе во унапредување на благосостојбата и зголемување на продуктивноста преку eлеминирање на повредите и болестите.

Како секоја земја се справува со овие проблеми, би требало да е прикажано во Националните стратегии за БЗР, кои што понатаму се преточени во Акциони планови за делување.

Учеството на Конференцијата е добра можност за одлучувачите, професионалците од областа на БЗР, работодавачите и претставници на работниците, и други заинтересирани страни кои се активни во полето на безбедноста и здравјето при работа, со цел да се обезбеди блиска соработка во процесот на размена на информации со експерти од Европа и од регионот.

Би сакал да Ве поканам сите на Втората меѓународна конференција на тема “Национални стратегии за БЗР“,  со нетрпение ја очекувам нашата средба!
Ви посакувам на сите здрава и безбедна иднина.

Милан  Петковски
Претседател на МЗЗПР